Марий Элысе цифровой технологий вияҥмаш рÿдерын вуйлатышыже Сергей Якунинын мутшо почеш, мемнан кундемыштына 20 у IT-технологийым вияҥдыме. Нуным Россий Федерацийыш пурышо у кумдыклаште – а тиде Херсон область, Запорожье, Луганск да Донецк кундемлаште кучылташ лиеш. Нуно, тӱҥ шотышто, образований, тазалыкаралтыш, социал аралымаш да лӱдыкшыдымылык системым вияҥдашлан ышталтыныт. Мутлан, тачысе кечылан ЛНР ден ДНР-ыште мӱшкыран ӱдырамаш-влаклан онлайн-школ-влак пашам ышташ тӱҥалыныт, але Донецк калык республикыште икмыняр жап ончыч меланомым ончылгоч пален налаш полшышо сервис пашам ышта. Ынде марий элыште ыштыме моло IT-технологий-влакымат ушнышо у регионлашке шыҥдараш шонат.
Комментариев: 0