Республикысе тоштер-влак «Интермузей-2020» тӱнямбал кӱкшытан 22 фестивальышке ушненыт. Тений тушто дистанционно эртен. Фестивальышке Россий, Франций, Великобританий, Нидерланды, Австрий, тыгак моло элла гыч тоштер-влак ушненыт. Марий Эл гыч 9 музей шке экспозицийжым ончыктен. Казаков лӱмеш сылнымут-краеведений, Янтемир лӱмеш сылнымут-этнографий, Мосолов лӱмеш краеведений, Йошкар-Олан историй тоштерже, А.Конаков лӱмеш музей-выставке комплекс, республикысе сӱретсымыктыш тоштер, Н.Мотовилов лӱмеш воин чап тоштер, У Торъял краеведений тоштер-влакын пашаштым ужын кертыт. Ончычсо семынак тӱнямбал фестивальышке Т.Евсеев лӱмеш тоштер ушнен. Интерактивный выставке гоч Марий кундемын Кугу Отчественный сар жапысе пагытше, тыгак культур поянлыкым аралыме нерген палдареныт.
Комментариев: 0