Республикын районлаштыже да Йошкар-Олаштат корным тӧрлат. Юрий Зайцев олан мэрже Евгений Маслов дене пырля 9 микрорайонышто ыштыме корным аклен. 
«Верысе инициативылан полыш» программе утларак вияҥшаш. Вес ий гыч финансирований кок пачаш кугемеш. Еҥ-влак тудын нерген палышаш да пайдаланышаш улыт. Октябрь мучаш марте 44 проект шукталтшаш. Тачысе кечылан 22 проект почеш паша тӱҥалын. Тидлан 9 миллион теҥге утла ойыралтын. 1 февраль гыч вес ийлан йодмаш-влакым погат. Кызытеш 13 йодмаш пурен.
Юрий Зайцев Куженер кундемышке миен да верысе предприятийлаште лийын. Эн ончыч тудым «Акашевский» чыве фабрикыште вашлийыныт. Юрий Зайцев производствын ойыртемжым ончен да продукцийым аклен. Тудо палемден: чыве фабрикын ыштен лукмо продукцийже республикыштына веле огыл, ӧрдыж кундемлаштат йодмашан. Тидыже предприятийым умбакыже кумдаҥдаш да вияҥдаш таратышаш.
Тений икымше пелийыште 230 утла корно туткар лийын. ДТП-ште ӱмыр лугыч лийше-влакын чотышт, кодшо ий дене таҥастарымаште, 55% кушкын.
Марий Элыште «Вятка» кугорнын Йошкар-Оласе аэропорт кумдыкышто шым километржым тӧрлен шуктеныт. Корно пашаеҥ-влак у асфальтым шареныт. Тудым ыштыме годым транспортын мыняр кудалыштмыжым, игечын ойыртемжым шотышко налыныт. 
Тоштемше, аварийныйлан шотлалтше пӧртла гыч еҥ-влакым кусарат. Идалык тӱҥалтыш гыч республикыште 3 тӱжем утла еҥ йӧнан илымверышке илаш куснен. 
