Йошкар-Оласе Советский уремыште корным чоҥымо паша мучашлалтеш. Тыгодым ик пӧрт тураште подрядчик тротуарыште асфальтым уэш шарен. Тидын нерген Йошкар-Олан мэрже Евгений Маслов инспекций дене тиде верыште лиймыж годым палемден. 183 номеран пӧрт тураште еҥ-влак тротуарыште улшо ситыдымашлан вуйым шийыныт. Оласе кучем подрядный организацийлан предписанийым возен, тудо шке могыржо гыч тӧрсырым шке кӱшешыже тӧрлен. Регионысо Правительстве паша шукталмым сайын терга, улшо ситыдымаш нерген муниципал службо-влак веле огыл, тыгак еҥ-влакат шижтарен кертыт. Тыге Советский уремыште 400 метр наре кужытышто асфальым уэш шареныт.
Комментариев: 0