Российыште саркуралым 21 ийым темымеке веле налаш лиеш. Тидын шотышто законышко кидпалыжым Элнан президентше Владимир Путин пыштен. Тыгодым сарзе службым эртыше але кугыжаныш военизированный организацийыште служитлыше-влаклан, тидын дене пырля шагал чотан калыкын еҥышт, тыгак профессионал сонарзе-влакат оружийлан лицензийым тиде ийгот дечын ончычрак налын кертыт. Саркураллан лицензийым налме шотышто вашталтыш нерген ойлаш гын, кокыт але утларак непогашенный манме судимость уло, але йӱшӧ вуя руль ончыко шичше-влаклан лицензийым пуаш огыт тӱҥал. Документын текстше дене правовой информаций порталыште палыме лияш йӧн уло.
Комментариев: 0