Александр Евстифеев газификаций йодышлан пӧлеклалтше совещанийым эртарен. Регион вуйлатыше палемден: Россий Президентын кӱштымашыжым шуктымо амал дене, пӧрт марте еҥ-влаклан газым оксам тӱлыде шупшаш тӱҥалыт. Марий Элыште клиент-влак дене пашам ыштыше рӱдер шке омсажым почын. Газификаций республикыште сайын кая. Промышленность, экономике вияҥмаш министр Станислав Крылов палемден: 2019 ий гыч Марий Элыште 162 километр газ пучым шупшыныт, тыге 32 кундемыште 449 пӧртышкӧ газ толын. 2021-2023 ийлаште 232 километр газпучым шупшаш улыт, финансирований 3 миллиардат пеле теҥгешке шуэш. Кодшо ий октябрь тылзыште республике Правительстве «Газпром» дене 2025 ий марте газификаций шотышто программым пеҥгыдемден. Тудын дене келшышын, 17 кугу объектым ышташ палемдат, 58 кундемышке газ толеш, 14 котельныйым пӱртӱс газышке кусарышаш улыт. Ушештарена, тачысе кече гыч республикыште илыше-влак догазификаций кышкарыште ойпидышым пенгыдемдаш тӱҥалын кертыт.
Комментариев: 0