Республикыште 14 ияш марте 80 тӱжем йоча грипп дечын прививкым шындыктен. Тиде - план дечын 80 процент. Тӱҥ шотышто – школышто тунемше-влакын иммунитетыштым прививке полшымо дене пеҥгыдемдат. Республикыште вакцинаций умбакыже шуйна, прививкым «Совигрипп» да «Ультрикс квадри» вакцине дене шындат. Мут толмашеш, кугыеҥ-влак тачысе кечын прививкым шындыкташ огыл вашке, кызыт 36 тӱжем утла еҥ вакцинацийышке ушнен – тиде план дечын 11 процент. Врач-влак палдарат: грипп тений нелын эртен кертеш, поснак коронавирус дене черланен эмлалтше-влак туешкат гын. Гриппын ик эн ӱшанле профилактикыже – прививке, тудым илымвер пелен поликлиникыште шындыкташ лиеш.
Комментариев: 0