Йӱлышӧ чодыра кумдыкышто 23 тӱжем утла изи пӱнчым шынденыт. 3 октябрьыште Куяр чодыра озанлыкыште шыже пагытыште пушеҥгым шындыме акцийым тӱҥалыныт. Тушко кок тӱжемат 500 утла еҥ ушнен – тиде волонтер, студент, тыгак национальный банкын еҥышт, пӱртӱс ресурс министерствын еҥышт. Эртыше кечылаште 16 гектар кумдыкышто ончыкылык чодырам шынденыт. Чодырам уэмдыме кумдыкышто «Чодырам аралена» аншлагым вераҥденыт. Пушеҥгым шындаш йоча-влакат, кугыеҥ-влакат, илалше-влакат кумылын ушнат. Тиде пашам «Экологий» нацпроектын «Чодырам аралымаш» федерал проектше дене келшышын шуктат.
Комментариев: 0