Марий Эл республике электрон йӧн дене переписьышке ушнымо дене ончыл радамыште. Тидым регион-влакын онлайн йӧн дене йӱклымаш ончыкта. Ушештарена, калык чотым шотлымо паша – перепись – 14 ноябрь марте шуйна. Кызытсе вашталтышым шотыш налын, переписьыш Кугыжаныш услугын сайтыштыжат ушнаш лиеш. Тыгак переписчик-влак илыме верышкат толын, возен каят, шотлышо участке-влакат пашам ыштат. Мут толмашеш, интернет-перепись дене Тульский областьыште шуко еҥ возалтын, Мордовийыште илыше-влакат тӱшкан ушненыт, тыгак Сахалин область ден Ямало-Ненецкий автоном округ электрон йӧн дене переписьышке ушнымо дене ончылно улыт. Марий Эл – визымше верыште.
Комментариев: 0