Марий Элыште «Спутник Лайт» вакциным ынде ревакцинацийлан гына кучылташ тӱҥалыт. Кызыт мемнан дене «ЭпивакКорона», «КовиВак» да 1500 наре доза «Спутник Лайт» вакцине-влак улыт. Иммунный системым сайынрак ямдылаш, кок компонентан прививкым ышташ темлат. «Спутник Лайт» вакциным коронавирус черым эртыше да «Спутник V» прививкым ыштыше-влаклан, пел ий але ик ий жап эртымеке, ышташ тӱналыт. Коронавирус инфекций улмым ПЦР-тест але ИХА-тест ужын кертеш. Палемден кодыман, пациентын антителаже уло гынат, вакцинаций деч посна, QR-кодым огыт пу. Специалист-влак палдарат: антитела улмо – вакцинацийым эрташ чарак радамыште огыл. Кызыт республикыштына ковид деч вакцинацийым 272 тӱжем утла еҥ эртен.
Комментариев: 0