«Марий Эл Радион» приложенийжым икмыняр арняште кок тӱжемат 500 утла еҥ шке телефонышкыжо вераҥден. «МЭТР ФМ» радиостанцийынат ынде шке приложенийже уло. Тыге радиостанцийым радиоприемник гоч веле огыл, телефонысо приложений гочынат колышташ лиеш. Онлайн йӧн дене йӧратыме радио-влак дене кеч-могай жапыштат пырля лияш йӧн уло. У технологий-влак колыштмо георграфийымат кумдаҥда, тыге, мутлан, «Марий Эл Радион» приложенийжым республикыште, российын регионлаштыже, тыгак йот эллаштат вераҥденыт. «Марий Эл Радио» да «МЭТР ФМ» радиостанцийын приложенийже-влакым «МЭТР» телерадиокомпанийын специалистше-влак ыштеныт, нуным «Гугл плейыште» арален, Андроид системе дене телефонышко вераҥдаш лиеш.
Комментариев: 0