Регионыштына «Экологий» нацпроектлан кугу тӱткыш ойыралтеш. Пеҥгыде шӱк-куштырам погымо да утилизацийыш колтымо шотышто йодышым Правительствыште каҥашеныт. Совещанийым Александр Евстифеев эртарен. Куштырам погымо вер-влак республикыштына ешаралтшаш улыт. Вес ийын мобильный комплекс Курыкмарий районышто почылтшаш. Кызыт тудым вераҥдаш лицензийым ямдылат. Республике мучко пеҥгыде куштырам посна погаш контейнер-влакым шогалтыме. Чылаже 330 контейнер уло. Лишыл жапыште 318 евроконтейнерым налаш федерал бюджет гыч субсидий толшаш. Республикыште картоным, кагазым, яндам, полиэтиленым, алюминий банкым, пластик атым, шампунь да моло мушмо средствын атым посна погымо пункт Йошкар-Олаште почылтын, тушко шӱкым кондышо-влаклан оксам пуат.
Комментариев: 0