14:53, 11-08-2020Тӱрлӧ шӱкым посна погаш

Тӱрлӧ шӱкым посна погаш. Марий Элыште тиде пашам этап дене шуктат. Шӱкым погышо регионысо оператор республикыште шӱкым посна погаш контейнер-влакым вераҥда. Таче кечын 168 тыгай контейнер уло. Кызыт тӱҥ шотышто пластикым моло шӱк дечын посна погат. Тений 60 тыгай контейнерым шындышаш улыт. Кызыт тыгайже Медведево да Советский поселкышто, Йошкар-Олаште улыт. Шӱкым посна погымо годым, тудым переработкышко колташ да кокымшо гана кучылташ лиеш.