12:11, 9-12-2021Ветеринарий комитет ир янлыклан бешенство деч иммунизацийым ышташ тӱҥалме нерген увертара

Ветеринарий комитет ир янлыклан  бешенство деч иммунизацийым ышташ тӱҥалме нерген увертара. Тиде черым шаркалыме деч чодыра кумдыкышто специалист-влак вакциным оптат. Тудо тӱҥ шотышто шылым кочшо ир янлыклан келыштаралтын. Вакциным оптымеке, 21 кече гыч янлыкын иммунитетше пеҥгыдемеш да ик ийлан сита. Тиде жапыште трукышто айдемым пурлеш гын, айдемылан лӱдыкшым ок кондо.