Марий Эл Правительствыште тений бюджет кучылтмым каҥашеныт. Тидлан пӧлеклалтше совещанийым Александр Евстифеев эртарен. Тений бюджетын роскот ужашыже 46 миллиард теҥге, идалык жапыште республикысе кучем министерство да ведомство-влаклан ешартыш дотаций-влакым колтен. Муниципалитет-влаклан 861 миллион теҥгем ойыреныт, тышечын 88 процентшым кучылтымо. Совещанийыште ешареныт: тений идалык мучаш марте социал кӱлешан 7 объектым ыштен шуктышаш улыт. Нунын радамыште Йошкар-Олаште «Мирный» микрорайонышто 320 верлан йочасад, аварийныйлан шотлалтше пӧрт гыч кусарыме еҥ-влаклан пачер, модельный библиотеке, Руэм да Нурма поселкылаште йочасад-влак, Шойбулак селаште тулык йоча-влаклан пӧрт, да Медведево поселкышто школ.
Комментариев: 0