Погода в Йошкар-Ола:
Марий Эл Телерадио » Марий Эл Радио » «Сылнымут аршаш» конкурсым иктешлыме

13:27, 14-12-2021«Сылнымут аршаш» конкурсым иктешлыме

Кажне ийын Йошкар-Оласе туныктыш виктем «Сылнымут аршаш» конкурсым увертара. Тудо Марий тиште кечылан пӧлеклалтеш да 29-ше номеран марий йочасад пелен эрта.   Йоча-влакым конкурслан ямдылымаште воспитатель да ача-ава-влак моткоч тыршат. Конкурсыш 3 гыч 7 ияш марте кажне йочасад гыч ик участник ушнен кертеш. Тений ынде кокымшо гана поэзий таҥасымаш онлайн йӧн дене эртен. Чылаже 36 йодмаш пурен. 3 гыч 5 ияш марте ийготан-влак коклаште эн ямлын лудшо семын Владимир Петуховым ойыреныт. Тудо 37-ше номеран йочасадыш коштеш. Кокымшо верыште – 64-ше йочасад гыч Илиза Габдуллина, кумшо верыште – 5-ше номеран йочасад гыч Арина Александрова. Вес сылнымут толкын 5 гыч 7 ияш марте участник-влакым ушен. Икымше верыш 80-ше номеран йочасад гыч Анастасия Поликарпова лектын. Кокымшо верыште – 51-ше йочасад гыч Таисия Ялаева, кумшо верыште – 21-ше йосадын воспитанникше Рамир Газитов.

Просмотров 271
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив