Курыкмарий районышто кундемын 100 ияш лӱмгечыже лӱмеш ӧрыктарыше шондыкым ыштеныт. Шондыкым 25 ий гыч, 2046 ий январьыште почшаш улыт, тунам Курыкмарий район шке 125 ияш лӱмгечыжым вашлиеш. Шондыкым мастар Александр Исаев ыштен. Тушко Курыкмарий район администрацийын вуйлатышыже Наталья Арганякован ончыкылык тукымлан ойжым, сувенир шотан кӱслем, школышто тунемше-влакын «Курыкмарий районым 25 ий гыч могайым ужам?» темылан сочиненийылаштым, тыгак видео-концертым да верысе газетын номержым пыштеныт. Тошто У Ий вашеш шондыкым Никон Игнатьев лӱмеш тоштерышке пайремлын пуэныт.
Комментариев: 0