Марий Эл Телерадио » Марий Эл Радио » Александр Евстифеев Курыкмарий районышто «Эстафета газа» факелым вашлийын

15:37, 1-09-2021Александр Евстифеев Курыкмарий районышто «Эстафета газа» факелым вашлийын

Александр Евстифеев Курыкмарий районышто «Эстафета газа» факелым вашлийын, да Исюткино, Яматайкино, Каранькино, Атюлово, Парандайкино яллашке канде тулым чӱктен. Районышто 3 километрат 400 метр кужытан газпучым ыштеныт, тиде 53 пӧртышкӧ газым пурташ йӧнам ыштен. Газым пайремлын Исюткино ялыште пуэныт. Марий Эл вуйлатыше газификацийым – Правительствын ик эн ончыл виктышыже семын палемден.  Курыкмарий районышто тиде паша виян кая, 2019 ийыште 12 ял да кундем деке газ пучым шупшыныт, 2020 ийыште 7 газпучым чоҥеныт. Республикыште улшо газификаций программе дене 5 ий жапыште 60 ялышке газым пуртышаш улыт, тыгак догазификаций дене паша кая. Республикыште тиде программышке ушнаш 2 тӱжем утла йодмаш пурен, 120 йодмаш Курыкмарий район гыч. Марий Элыште идалык тӱҥалтышлан газификаций 74% шуэш, Российыште – 71%,  Курыкмарий районышто 1 августлан тиде кугыт 83% шуын.  Газым пайремлын колтымо дечын вара регион вуйлатыше Березово-Шимбатрово ялыште лийын, водозабор узелыште паша кайымым аклен, тушто у скважиным чоҥат. Улшо скважиным 1974 ийыште чоҥеныт, тачысе кече марте тудо тоштемын. Тидын шотеш Александр Евстифеевын кӱкштымашыже дене Микряк ялшотан илемлан 5 миллион теҥге ойыралтын, октябрь тылзе марте скважиным ыштен шуктышаш улыт. Тений республикыште 12 скважиным ыштеныт. Курыкмарий районышто лиймыже годым Александр Евстифеев районын социал-экономике могырым вияҥмашыжлан пӧлеклалтше совещанийым эртарен. Тачысе кечын районышто имыняр виктыш дене паша кая: газификаций, яндар йӱмӧ вӱдым ситарымаш, автомашина корно-влакым тӧрлымӧ паша, тыгак паром переправе дене корным ыштымаш. 

Просмотров 398
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий