2021 ийыште Шернур, тыгак Курыкмарий район-влакым ыштымылан 100 ий темеш. Лӱмгечылан ямдылалтме нерген Указышке кидпалыжым регион вуйлатыше Александр Евстифеев пыштен. Тудын дене келшышын, лишыл жапыште оргкомитетым чумырат да мероприятий-влакын радамыштым пеҥгыдемдат. Шернур районым ыштыме кечылан 1921 ий 15 январь шотлалтеш. Тунам Шернур кантон ышталтын, тушко Виче губернийын Уржум да Яран уездше-влак пуреныт. 15 январьыштак Курыкмарий кантон ышталтын. Таче тиде район 1700 квадрат километр кумдыкым айла.
Комментариев: 0