Россий мучко канаш шонышо-влаклан «Турист кешбэк» программым уэш шуйымо. Тудын дене келшышын, каныме турын акше гыч 20% кугыжаныш пӧртылта. Окса кугыт 20 тӱжем деч шуко лийын ок керт. Тыгай программе дене 12 апрель марте канаш каяшлан турым налше-влак пайдаланен кертыт. Программе 18 январь гыч тÿÿҥалын. Россий мучко канаш каяш 2 миллион наре темлымаш уло. Ече дене мунчалташ теле каныш базе-влак, тыгак санаторно-курортный каныш да молат. «Турист кешбек» программе дене оксам пӧртылташлан икмыняр йодмашым шотышко налман. Каныме тур але унагудышто илыме жап кок йӱд деч шагал лийшаш огыл, окса роскотым «Мир» карте дене тӱлыман.
Комментариев: 0