Марий Элыште паша вер шотышто рӱдер паша дечын посна кодмаште лӱдыкшыштӧ улшо-влаклан полша. Российын премьер-министрже Михаил Мишустин Правительствын Телеграмм-каналыштыже пашам темлыше рӱдер-влакын полномочийыштым кумдаҥдыме нерген ойлен. Ынде учрежденийышке пашадыме-влак дене пырля, лишыл жапыште паша дечын посна кодын кертше-влакат ушнен кертыт. Паша вер шотышто рӱдерлаште тыгай еҥ-влаклан у паша верым муаш, але тунеммашым эрташ, тыгак официально пашадыме радамышке шогалме дечын ончыч шке пашам почаш полшат. Россий Правительстве регионлаште пашадымылыкым шагалемдаш 40 миллиард теҥгем ойыра.
Комментариев: 0