Чебоксар олаште «Мари калыкын землячествыжым» ыштеныт. Верысе калыкле-тӱвыра автономийын председательжылан Курыкмарий районын шочшыжо, кызыт Чебоксар олаште илыше Александр Гурьяновым ойыреныт. Александр Гурьянов 55-ше номеран школым вуйлата, Марий мер каҥашын еҥже. Тачысе кечын калыкле-тӱвыра автономий-влакын регионысо, але верысе ушемышт Башкортостан, Татарстан, Удмуртий, Киров кундемлаште улыт. Чебоксар олаште ушемым ыштымеке, марий-влак чумыргаш, мер пашам вораҥдараш тӱҥалшаш улыт. Чуваший республикыште, 2010 ийысе перепись дене келшышын, 3600 марий ила.
Комментариев: 0