16:15, 23-05-2022Йошкар-Олаште пашадымылык пел процент нарышке шуэш

Йошкар-Олаште пашадымылык пел процент нарышке шуэш. Пашам темлыше рӱдерыште учётышто 500 утла еҥ шога. Кодшо ийын тыгаяк жапыште 2241еҥ паша верым кычалын. Идалык тӱҥалтыш гыч Марий Элын рӱдӧ олаштыже 340 еҥлан у паша верым темленыт. Тачысе кечын рӱдерыште 3 тӱжем утла вакансий уло. Ик пашадымылан 6 паша вер темлалтеш. Эн кӱлешан специалист-влак коклаште:  монтажник, автомашинам виктарыше, кевытче, повар, упаковщик, полицейский, слесарь, менеджер, бухгалтер, медшӱжар.