Марьино-Юрино автокорным тений мучаш марте тӧрлен шуктышаш улыт. Тыгай задачым Марий Эл вуйлатышын сомылжым жаплан шуктышо Юрий Зайцев паша визит дене Юрино кундемыш миен коштмыж годым шынден. Кодшо ийын ты трассыште икмыняр участке корным олмыктеныт. Тений эше 42 километр корно кужытым ыштен шукташ палемдыме. Тылеч посна федерал погышко кусарыме «Поветлужье» трассе кумдыкым тӱрыснек шотыш кондат. «Чыла паша план деч ончычрак шукталтеш», - транспорт да корно озанлык министр Александр Герасименко палемден коден. Юрий Зайцев тыгак корно шартыш материалын качествыжым терген. Ушештарен кодена, пашам «Лӱдыкшыдымӧ да сай качестван автомашина корно» нацпроект дене келшышын шуктат.
Комментариев: 0