Кумдан чапланыше «Черемис» мурылан клипым войзеныт. Марий Эл Республикын 100 ияш лӱмгечыже вашеш кундемнан кумдан чапланыше артистше, Марий Элын калык артистше Вячеслав Созоновын йоҥгалтарыме «Черемис» мурылан клип шочын. Вячеслав Созонов шкежат видеоклипым войзымо годым режиссер-оператор семын тыршен. Мурылан семым композитор Григорий Архипов возен, тиде у клипын сценарийжым Иван Богомолов келыштарен, тудак постановкылан вуйын шоген. Клипым Марий Элын ик эн сылне верыштыже, Мӱшылъерыште, тыгак «Чоткар Патыр» тӱвыра-историй комплексын кумдыкыштыжо войзеныт.
Комментариев: 0