2020-шо ий 15 июль гыч шочшо йоча-влаклан СНИЛсым ышташ лӱмын коштман огыл. Келшен толшо сервисым «Госуслугын» порталыштыже ыштыме. ЗАГСын реестрже гыч пенсий фонд системыш йоча шочмо нерген увер пурымек, икшывын лицевой счётшо вигак ышталтеш да аважлан «Госуслугысо» портал гоч колталтеш. Тиде йӧн дене пайдаланаш манын, ача-ава-влаклан «Госуслуги» сайтыште регистрацийым эртыман. СНИЛСын ямде улмыж нерген вигак пален налаш манын, шке кабинетыште кӱлешан настройкым ойырыман. Йочам ашнаш налше ешлан СНИЛСым ончычсо семынак ыштыман, молан манаш гын, кӱлешан уверым лач нуно шкешт гына ойлен кертыт. Марий Эл республикысе Пенсий фондын пресс-службыжын увертарымыж почеш, Марий Эл мучко пенсий страхований системыш ушнен, 747 тӱжем наре лицевой счётым почмо.
Комментариев: 0