Звениговышто канализаций коллекторым идалык мучаш марте ачален шукташ палемдыме. Тидлан республикысе резерв фонд гыч 5 миллион теҥге ойыралтын. Кӱлешан пунчалым шке кидпалыж дене Марий Эл Республикын вуйлатышыже Александр Евстифеев пенгыдемден. Ойырымо окса дене идалык мучаш марте Пушкин уремысе корным ачалаш шонат. Ушештарена, шошым, 2019 ийыште Звениговысо канализаций коллекторышто аварий лийын. Канализаций пучым 60 ийла годсек ачалыме огыл, аварийлан кӧра чыла лавыра уремлашке лектын да Юл эҥерышкат логалын. Ондак ачалаш 40 миллион теҥге ойыралтын ыле, тудын полшымо дене у насос станцийым чоҥымо да чыла канализаций кылым уэмдыме.
Комментариев: 0