Александр Евстифеев Волжск олашке миен. Ончыч тудо Чапаев уремыште коллекторын аварийный вержым ончалын. Кок арня ончыч Республике правительствын резерв фондшо гыч тудым ачалаш 8 млн теҥгем ойыреныт. А.Евстифеев ачалыме пашам шуктымо дене палыме лийын. Волжск олан администрацийже аварий верым локализоватлен, кок насосым шынденыт. Икмыняр жап ончыч аварий верыште мланде волен, тыгак магистральный вӱд пуч тиде верышке логалын. Канализаций коллектор «Рӱдӧ» микрорайон, тыгак социал объект – 5-ше номеран школ, оласе да районысо администраций, медицин колледж, тоштер да моло учрежденийла гыч лавыра вӱдым колта. Тидым шотышто налын, А.Евстифеев икымше кече гычак паша шукталтмым терга. Олаште мэр уке, - ешарен регион вуйлатыше. Тиде депутат-влакын удан ыштыме пашаштым ончыкта.
Комментариев: 0