Тачысе кечылан пудий пижме дене республик мучко эмлымверыш чылажге 838 еҥ миен. Тиде, ӱмашсе дене таҥастарымаште, 25 утла процентлан шагалрак. Нунын коклаште 14 ияш деч изирак ийготан йоча-влакат улыт. 20 гыч 26 июль марте 17 еҥ деке пуди пурен. Пудий-влак Волжск, Звенигово, Куженер, Медведево, Морко, Оршанке да Параньга районлаште илыше-влаклан пижыныт. Идалык тӱҥалтыш гыч республик мучко иксодовый пудий боррелиоз дене 10 еҥ черланен, нунын кокла гыч 8 - кугу еҥ да кок 14 ияш деч изирак ийготан йоча. Пудий-влак Йошкар-Ола кумдыкышто, Килемар, Медведево,Оршанке районлаште да 2 гана республик деч ӧрдыжто еҥ деке пуреныт. Нуно илмывер, садовод товариществе, парк да ото воктенат лийын кертыт. Шкем аралыза. Пудий пурымо диагностикым Марий Элын гигиене да эпидемиологий рӱдерыште, тыгак инфекций рӱдерыште эрташ лиеш. Еҥ деке пудий ынже пиж манын, акарицидный обработкым эртарат, тыге июль тылзылан 581 утла гектар кумдыкым обрабатыватлыме.
Комментариев: 0