Марий Эл Телерадио » Марий Эл Радио » Вӱдыштӧ азапыш шукыж годым йӱшывуя пурышо-влак логалыт

16:47, 23-07-2020Вӱдыштӧ азапыш шукыж годым йӱшывуя пурышо-влак логалыт

21 июльышто Марий Элысе МЧС виктемын пресс-конференцийже эртен. Тудын темыже мемнан кундемысе лӱдыкшыдымылык дене кылдалтын. Кодшо ийысе тыгай жап денак таҥастарымаште тений икымше пел ий жапыште республик мучко пожарын чотшо шагалемын. Тыге, 20 июль марте республик мучко 14 еҥ колен. Шукыж годым шке пӧрт да пӧрт воктене улшо оралтым тул авалтен.  Амалже – тулым да тыгак электроӱзгарым эскерыде кучылтмаш. Вӱдыштӧ йӱштылмӧ годымат ятыр эҥгек лийын каен. Идалык тӱҥалтыш гыч 20 июль марте 27 тыгай случай вашлиялтын, 22 ҥн колен, нунын кокла гыч 3 йоча лийын. Йӱштылмӧ тургымым почмо деч вара чылажге 16 еҥ вӱд йымаке каен. Шукыж годым вӱдыш йӱшывуя пурат. Колышо-влак кокла гыч шукынжо пӧръен-влак улыт. Кокла ийготышт – 41 ий. Весымат палемдыман: статистике почеш 40% йоча ийын огеш мошто. Сандене икшывыдам вӱдыштӧ да вӱд воктене шкем кучымо шотышто чын туныктыза.

Просмотров 529
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий