Марий Элын виктерыштыже рӱдолаштына у автовокзалым чоҥымо нерген каҥашат. Тудын кумдыкшо 11 тӱжем кв. метр лиеш. Тушто 870 кв. метран администраций пӧртым, 9 перроным, 80 веран вучымо залым да билет налме верым чоҥаш палемдыме. Тыгак 35 автобусым шогалташ ситыше посна верым да легковой автомашинам кодашлан кумдыкым ойырымо.
Республикысе транспорт да корно озанлыкын министрже Александр Герасименко тиде йодышым кок семын рашемдаш лиеш манын: тошто вокзал олмышто уым чоҥаш, але кызытсе илышлан келшен толшо у автостанцийым ышташ. У вокзал кушто лиеш, эше ойырымо огыл.
Комментариев: 0