Йошкар-Олаште Изи Какшан эҥер серыште спорт дене кылым кучаш площадкым келыштарат. Кумдыкым тӱзатыме проект «Верысе инициативе» программыш пурен. Тидым оласе мэрийыште палемдат. Пашалан кок миллион теҥгем ойыреныт. Спорт площадкым икмыняр этапыште чоҥат. Икымше тапырыште ты пашаште Российын ик эн кугу банкше полшаш тӱҥалеш. Тидлан организаций 8 миллион теҥгем ойырен. Ты шийвундо дене мини-футбол, баскетбол, стритбол дене модаш площадкыште резине шартышым ыштат. Варажым туштак ГТО комплексым сдатлаш оборудованийым вераҥдат. Ушештарем, спорт объектым рӱдӧ пляж воктене ыштат.
Комментариев: 0