Йошкар-Олан историйжым ынде пашаш але мӧҥгӧ кудалме годым кумданрак пален налаш лиеш. Тидлан 8-ше номеран троллейбусышто келыштарыме аудиогид полша. Экскурсий Медведевысе Сеҥымаш сквер гыч тӱҥалеш да Йошкар-Оласе сеҥымаш парк марте шуйна. Проектым IT-разработчик Сергей Якунин илышыш шыҥдарен. Йӱкан полышкалышым Алиса негызеш ыштыме. Тудо тӱрлӧ увер ден факт-влакым каласкала. Эскурсийыш логалаш 8-ше номеран троллейбусыш шинчын, салонышто улшо QR-кодым сканироватлыман да обзорный сынан экскурсийым наушник полшымо дене колыштман. Тыгай аудиогидым Йошкар-Оласе моло троллейбуслаштат ышташ шонат. Ешарыман, аудиогидым Марий Элысе самырык-влакын политикышт, спорт да туризм министерстве да Йошкар-Оласе турист-увер рӱдер полшымо дене ыштыме.
Комментариев: 0