Кундемыштына илыше еҥ-влак шке йыр улшо вер-шӧрым тӱзатымашлан кугу тӱткышым ойырат. Шонымаш-шамычым илышыш шыҥдараш «Йӧнан оласе средам ыштымаш» программе полша. Тудын дене келшышын парк, сквер, бульвар да тӱшкан погынымо моло кумдык-влак уэмыт. Тений республикыштына 92 объектым тӱзатыме. Нунын коклаште 37 кудывече кумдык. Кодшо ий дене таҥастарымаште тений вер-шӧр-влакым шукырак тӱзатыме. «Йӧнан оласе средам ыштымаш» программе деч посна 5 территорий федерал конкурсышто грантым налын. Республикыште ыштыме пашам правительствыште эртаралтше совещанийыште иктешленыт, тыгак 7 муниципалитетлан социал-экономике показатель дене ончыко лекмылан, дипломым кучыктеныт. Икымше верыште – Козьмодемьянск ола, кокымшышто – Звенигово, кумшышто – Медведево район.
Комментариев: 0