«Сеҥымаш диктантым» Байкал, Керченский пролив, Эльбрусышто возышаш улыт. Тений Россий да йот эллаште 7500 площадкым ышташ шонат. Сеҥымашын 75-ше идалыкыштыже тиде акций эшеат кумдан эртышаш. Байкалыште гын, тудым национальный гвардий войскан тунемме отрядыштыже возышаш улыт. Тушто Росгвардий, Обороно министерствын спецподразделенийлажлан подводник-влакым ямдылат. Эльбрусышто-Европын ик эн кӱшыл верыште - сарзыеҥ-влакын службым эртыме верыште акцийын площадкыже лиеш. Марий Элыште «Сеҥымаш Диктантын» площадкыжым Йошкар-Олаште да район рӱдылаште ыштат. Тыгак Киево-Житомирский Кутузов орденын 14-ше ракет дивизийыште, исправительный колонийлаште возышаш улыт.
Комментариев: 0