Марий Эл вуйлатыше Юрий Зайцев чоҥымаш отрасль ончылно кӱлешан задачым палемден. Республикысе чоҥышо-влакын гильдийыштышт 2022 ийысе паша лектыш дене палдареныт. Нунын дене регион вуйлатыше шкежак вашлийын мутланен. «Корно ачалыме, илыме верым да моло объект-влакым чоҥымаш умбакыжат жапыштыже да сай качестве дене шукталташ тӱҥалыт», – палемден гильдий Советын Председательже Хамза Баширов. Юрий Зайцев чоҥымаш отрасльште кӱкшӧ технологийым йӧнештараш кӱлмӧ нерген ойлен да инноваций технологиян чоҥымо материал-влакым шкенан дене утларак луктын шогаш темлен. Весымат палемдыман, кундемыштына инфраструктур проект-влак шыҥдаралташ тӱҥалыныт. Тидат сай могыр гыч аклалтеш.
Комментариев: 0