15:21, 19-08-2020Кидпаша мастар-влакын «Русь мастеровая» российысе конкурс тений онлайн эртен

Кидпаша мастар-влакын «Русь мастеровая» российысе конкурс тений онлайн эртен. Тудо 15 гана мастер еҥ-влакын пашаштым аклен. Тений конкурс Чуваший автономийын юбилейжылан пӧлеклалтын. Тушко Архангельский, Белгородский, Вологодский, Ивановский, Нижегородский да моло кундемла гыч 40 утла видеоматериалым колтеныт. Марий Эл гыч «Ӱштым куышо» номинацийыште Галина Кокорина да «Тӱрлымаш» номинацийыште Лидия Веткина сеҥыше лийыныт. Марий Эл гыч мастар-влак Чувашийыште эртыше конкурсышко кажне ийын коштыныт.