Похожие новости
Мы рекомендуем Вам зарегистрироваться либо войти на сайт под своим именем.
Правительствын совещанийыштыже кеҥежымсе тазаҥдыме кампаний, шошо агам мучашлыме, тыгак илалше да черле-влакым кужу жап ончымо программым илышышке пуртымо йодыш-влакым каҥашеныт. Республикысе школ пеленсе 175 лагерьыште 12 тӱжем утла йоча канен. Тений кеҥеж жапыште кундемыште 201 организаций пашам ышта. Юрий Зайцевын кӱштымашыже дене тений «Лесная сказка» комплекс йоча-влакым уэш вашлийын. Тушто кеҥеж жапыште ик тӱжем наре йоча кана.
Ялозанлык министр шошо агам мучашлыме нерген ойлен. Тений озанлык-влак мланде пашам ончычсо дечын 20 кечылан ончыxрак тӱҥалыныт. Озанлык-влаклан 774 миллион теҥге полыш ойыралтын. Тений республикыште икымше гана республикысе бюджет кӱшеш ялозанлык техникым налаш окса ойыралтеш. Субсидийым озанлык-влак сентябрь-октябрьыште налын шуктат.
Паша да социал аралымаш министр Марина Островская илалше да черле-влакым кужу жап ончымо программе нерген ойлен. Марий Эл – Российын 5 регионжо дене пырля пилотный проектышке ушнен. Тыгай полыш республикын чыла районыштыжо уло. Тидлан 700 утла миллион теҥге ойыралтын. Тиде шийвундо дене социал пашаеҥ-влакым туныктат, да инфрастурктурым уэмдат.
Комментариев: 0