Йошкар-Олаште да Шернурышто шӱк-коштырам ойыркалыше комплексым ыштат. Чоҥымо пашам вес ийын тӱналшаш улыт. Тачысе кечылан Правительстве ден инвестор-влак коклаште соглашенийын проектшым ямдылыме. Тыгак регион вуйлатыше Юрий Зайцев «Российысе экологий оператор» компанийын генеральный директоржо Денис Буцаев дене вашлийын, финанс да моло йодышым каҥашен. Пеҥгыде коммунал шӱкым перерабатыватлыме йодышлан республикыштына кугу тӱткышым ойырат. Проект-влак илышыш пурталтыт гын, идалык мучко комплексыште 120 тӱжем тонн марте шӱкшакым ойыркалаш тӱҥалыт. Палемдыман, инвестицийын чумыр кугытшо ик миллиардат пеле тенгеш шуэш. 
Комментариев: 0