Марий Элын южшо элыште ик эн яндарлан шотлалтеш. Россий регион-влакын рейтингыштыже мемнан республике 55 верыште. Тидын шотышто отчетым FinExpertiza ыштен. Регонышто атмосферышке 54 тӱжем наре тонн южым лавыртыше веществам колтеныт, тышечын 37 тӱжем тонным предприятий-влак, 16 тӱжем утла тонным транспорт. Ик еҥлан шотлымаште, 79 кг шуэш. Аналитик-влак шотлен луктыныт. 2019 ийыште российысе предприятий да транспорт атмосферышке 22 млн тонн лавыра веществам луктын. Красноярский край, Кемеровский область да Ханты-Манскийский автономный округлаште юж лавыран, а эн яндар юж - Севастополь, Тыва, Алтайский крайыште.
Комментариев: 0