Марий Элыште коронавиурс инфекцийым шижтарыме дене посна ямде улмо шотышто режимым 27 сентябрь марте шуеныт. Тидын шотышто указым Александр Евстифеев кугарнян пеҥгыдемден. Регион коронавирус инфекцийым шагалемдыме шот дене чарымашым кораҥдыме кумшо этапыште. Таче кечын туныктышо, тӱвыра, спорт учреждений-влак пашам ыштат, парк, сквер, кафе, ужалыше рӱдер-влак почмо улыт. Тыгодым тушто санитар-эпидемиологий правилым шуктыман. Тӱшка верлашке да транспортышто маскым чийыман да социальный дистанцийым кучыман.
Комментариев: 0