Баннер
Марий Эл Телерадио » Марий Эл Радио » Курыкмарий районышто у водонапорный башньым ыштат

15:27, 15-09-2020Курыкмарий районышто у водонапорный башньым ыштат

Курыкмарий районышто у водонапорный башньым ыштат. Тидлан республике Правительствын резерв фондшо гыч 2 миллион наре ойыралтеш. Тидын шотышто постановленийым регион вуйлатыше Александр Евстифеев пеҥгыдемден. Ойырымо шийвундо дене Курыкмарий Йоласалыште у водонапорный башньым ыштат. Тушто улшыжо тоштемын, аварийныйлан шотлалтеш. Садланак,  у объект кӱлеш. Тудын дене кундемыште илыше-влакын пӧрталшке да социал объектлашке яндар вӱд толшаш. Тиде кундемыште 500 утла еҥ ила. Ушештарен кодаш лиеш, июль тылзыште Марий Элын резерв фондшо гыч Звенигово районышто   канализационный коллекторым тӧрлаш 5 миллион ойыралтын, а августышто регион вуйлатышын кӱштымашыже дене Волжск олаште коллектор-влакым тӧрлаш 8 миллион теҥге палемдалтын. 
Просмотров 546
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий