Коронавирусан пациент-влакым эмлыше медпашаеҥ-влакын стажыштым у семын шотлат. Пашам ыштыме ик кече кок кечылан шотлалташ тӱҥалеш. Пенсий фондышто увертарат, медпашаеҥ коронавирус але тудын лийын кертме лӱдыкшӧ дене пациентым эмла гын, стажыште тиде вашталтыш лиеш. Стажым у семын сентябрь мучаш марте шотлаш тӱҥалыт. Тидын шотышто документым Президент Владимир Путин пенгыдемден. Российын премьер-министр Михаил Мишустинын мутшо дене, тиде йӧным пуртымеке, 4 тӱжем утла медицин пашаеҥ пенсийышке ончылгоч лектын кертеш. Шотлен лукмо почеш, тидлан ик ийыште 325 миллион тенге кӱлеш. Тиде оксам бюджетышке палемденыт. 
Комментариев: 0