Баннер
Марий Эл Телерадио » Марий Эл Радио » Туныктышо-влак у тунемме ий гыч классым вуйлатымылан ешартыш шийвундым налыт

11:34, 17-09-2020Туныктышо-влак у тунемме ий гыч классым вуйлатымылан ешартыш шийвундым налыт

Республикыште 4 тӱжем утла туныктышо у тунемме ий гыч классым вуйлатымылан ешартыш шийвундым налеш. Ик тылзылан 5 тӱжем теҥге. Тиде оксам федерал бюджет гыч ойырат, тыгодым улшо выплате-влакат аралалт кодыт. Тидын нерген Россий просвещений министр Сергей Кравцовын координационный погынымаштыже ойленыт. Тудо видеоконференций йӧн дене эртен. Тудын пашашкыже регион вуйлатыше Александр Евстифеев ушнен.

 Совещанийыште тӱҥалтыш класслаште йоча-влакым шокшо кочкыш дене яра пукшымо нергенат ойленыт. Марий Элыште Россий Президентын кӱштымашыже сайын шукталтеш. Республикыште тӱҥалтыш классыште шинчымашым погышо 36 тӱжем утла ӱдыр-рвезе школышто яра кочкеш. 

Конференцийышке ушнышо-влак мемнан кундемыште тунемме учреждений-влакым чоҥымо нергенат мутланеныт. Александр Евстифеевын мутшо почеш, лишыл жапыште Йошкар-Олаште, Медведево да Руэм поселкылаште йочасадым чоҥышаш улыт. Тушто чыла ик тӱжем утла вер лиеш. У школ нерген ойлаш гын, тений Волжск олаште школын корпусшым чоҥен шуктат. 

Просмотров 548
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий