2025 ийыште Марий Элын промышленностьшым вияҥдаш федерал бюджет гыч 90 миллион теҥгем ойырат

Вес ийын икымше кварталыштыже предприятий-влак технологий оборудованийым налаш йодмашым пуэн кертыт. Оксам пурышо йодмаш-влакым колтышо коклаште шеледат. Тӱҥжӧ ‒ оборудований мемнан элыште ыштыме лийшаш.

«Тиде программе мемнан предприятий-влаклан у кӱкшытыш лекташ полша, тыгак паша вер-влак шукемыт, предприятий-влак вес сатуым ыштыше-влаклан конкуренцийым ыштен кертыт», ‒ возен шке телеграмм-каналыштыже Юрий Зайцев.