Волгенче рӱдерын кампусыштыжо 4 программе дене подготовкым эртарат
10 кече жапыште тунемше-влак «Финанс. Ончыкылыкын самырыкше-влак», «Олимпиадный физкультур», «Олимпиадный биологий» да «Урбанистике – 2024» программе почеш тунемыт.
Занятий-влакым Юлтех да Марий кугыжаныш университетын туныктышышт эртарат, нуно йоча-влак дене пырля проектым возат, тыгак тунемше-влакын Российысе олимпиадыштлан ямдылат. Урбанистике виктышыште шинчымашым погышо-влак кызытсе жапыште олам кузе вияҥдаш, тидлан могай проектым возаш лиеш шымлат. Яра жапыште ӱдыр-рвезе-влаклан посна консультацийым, мастарлык-классым, тыгак спорт да тӱвыра мероприятий-влакым эртарат.
(Фотом Марий Элысе туныктыш министерствын тӱшкаже гыч налме)
