Марий Эл гыч СВО кайыме верыш да Российын у регионлашкыже 71-ше гуманитар полышым колтеныт.
Калык-влакын икоян улмо кече вашеш тиде поро пашаш муниципалитет, волонтёр, организаций да кумылан еҥ-влак ушненыт. Гуманитар конвой дене 9 автомашинам, 3 мотоциклым, генераторым, радиостанцийым, квадрокоптер-влаклан комплектующий-влакым, связьлан оборудованийым, коҥгам, шапаш ужашым да пиламатериалым наҥгаеныт. Тидын дене пырля маскироватлыме сетьым, «Панцирь», «Леший» шартыш-влакым, техникым, медикаментым, вургемым, гигиене сатум да молымат колтеныт. Чыла тидым сарзыеҥ-влакын йодмышт дене чумыреныт. Кажне посылкыште республикыште илыше-влакын чон шокшышт, азапланымаш кумылышт. Грузым «Za Марий Эл» фонд пелен чумыреныт.