Морко районысо Тат-Кушна тӱвыра пӧртыш газым пуртеныт.
Тидын нерген регион вуйлатыше Юрий Зайцев палдарен. Тӱвыра пӧрт 1972 ий гыч пашам ышта, тушто кажне кечын 30 наре еҥ музык, спорт да краеведений кружоклаште да ансамбльлаште шуаралтеш. Газификаций марте зданийым пу дене олтеныт. «Газпром газораспределение предприятийын» специалистше-влак тӧнежым газ пуч деке ушеныт. Газификаций дечын яллаште илыше-влакын сайын илыме условийышт палдырна. Пӱртӱс газым пӧртлашке веле огыл, социал объектышкат пуртымо шотышто пашам ыштена, возен Юрий Зайцев.