Ӱдыр-влакын мастарлыкыштым ончыктышо, уш-акылштым тергыше Кажне ийын эртаралтше регион кокласе «Ӱдырсий» конкурсым тений онлайн-форматыште эртарат. Участник-влаклан икмыняр материалым ямдылаш кӱлеш, тиде «Мый марий ӱдыр улам» видеовизитке. Кужытшо 2 минуташ лийшаш. Тыгак ӱдыр-влак шке кундемыштышт эртаралтше марий йӱлам видеош войзышаш улыт, условий почеш тудым 7 минут марте кужытаным ышташ йӧн уло. Кумшо – тиде этномодо. Тушто ӱдыр-влак марий калык вургемын сылынылыкшым ончыктат. 20 октябрь марте ты конкурсыш ушнаш шонышо-влак калык вургем дене 3 фотом колтышаш улыт. Нуным интернет лаштыкыште вераҥдат да 20 гыч 26 октябрь марте йӱклымашым эртарат. Тушто сеҥыше ӱдыр – «приз зрительских симпатий» номинацийым вигак налеш. 30 октябрьыште Татарстанысе калык-влакын келшымаш пӧртыштышт Ӱдырсий конкурсын иктешлымашыжым ыштат. Ешарыман «Ӱдырсийыште» 18 гыч 25 ияш марте ӱдыр-влак участвоватлен кертыт.
Комментариев: 0