Марий Элыште «Герои Марий Эл. Талешке-влак» программе дене ветеран-влакын тунемме икымше этапышт мучашлалтын

«Сосновый бор» санаторийыште 19 участник икымше модульым эртен. Тиде программе Марий Эл Вуйлатыше Юрий Зайцевын тӱҥалтышыже дене да «Время героев» федерал проект семын ышталтын. Тушко ушнаш 200 йодмаш пурен. 10 кечыште 19 сентябрь гыч 8 октябрь марте ветеран-влак у компетенций дене тунеммашым эртеныт. Тичмаш курсым пытарыше-влак шке шинчымашыштым республикым да элым вияҥдымаште кучылташ тӱҥалыт.